అవును నీతిని  దండించండి… అవినీతి ఆజ్ఞాపిస్తున్నది

రౌడీ దర్బారులు (Rowdy Darbar) రాజ్యమేలుతుంటుంటే;
“హస్తినీ” సింహాసనాలు వీళ్లకు వత్తాసు పలుకుతుంటుంటే;
ప్రజాస్వామ్య స్తంబాలు (Pillars of democracy) వీళ్లకు ఆయుధాలుగా మారుతుంటుంటే;
అవును నీతిని దండించండి… అవినీతి ఆజ్ఞాపిస్తున్నది;

పాలించేవాడు రాక్షస (Raksasa Rulers) మనస్కులైనప్పుడు;
దండించేవాడు పాలించేవాడి పాదాల చెంతనున్నప్పుడు;
అడగాల్సిన ఓటు (vote) ఒక పచ్చ నోటుకు అమ్ముడు పోతున్నప్పుడు;
అవును నీతిని దండించండి… అవినీతి ఆజ్ఞాపిస్తున్నది;

బూతుశాస్త్ర పితామహులు నీతులు వల్లిస్తుంటే;
వేటకొడవల్లే బలిపశువులను రౌడీసేనలుగా (Rowdy Sena) ముద్రలు వేస్తుంటే
అవినీతి సామ్రాధీశులు నీతిని ప్యాకేజీలుగా ముద్రలు వేస్తుంటే
అవును నీతిని దండించండి… అవినీతి ఆజ్ఞాపిస్తున్నది;

నీతిని నగ్నంగా మీడియాల (Media) ముందు నిలబెడుతుంటే;
అవినీతితో దూరం జరగలేని “చిరు-ముద్ర”ల మౌనం కొనసాగుతుంటుంటే;
మనోహరమైన కోటల గోడలను దాటి రాలేని పవనాలు (Pavanalu) పేలవంగా వీస్తుంటే;
అవును నీతిని దండించండి… అవినీతి ఆజ్ఞాపిస్తున్నది;

దొంగే దొంగా అన్నట్లు అవినీతే అవినీతి అంటుంటే;
ప్యాకేజీ రాజాలే మనల్ని ప్యాకేజీ పుత్రులంటుంటే;
అవినీతి సామ్రాట్టులే నీతిని శంకింస్తుంటే;
అవును నీతిని దండించండి… అవినీతి ఆజ్ఞాపిస్తున్నది;

రౌడీ దర్బారులే మనల్ని రౌడీలుగా ముద్రిస్తుంటే;
ప్రశ్నించే మన శీలాన్ని మార్కెట్టులో అమ్మేస్తుంటే;
స్వార్ధం ముసుగులో రౌడీ దర్బారులను మనమే పోషిస్తుంటే;
అవును నీతిని దండించండి… అవినీతి ఆజ్ఞాపిస్తున్నది (an order of corruption);

గమనిక: కాంతారా చుసిన తరువాత కలిగిన ఆవేదనలు నుండి రాసిందే తప్ప… ఎవ్వరిని ఉద్దేశించి రాసింది కాదని గమనించ గలరు.

ఆలోచించండి… దుర్మార్గుడి దౌర్జన్యం కంటే ప్రశ్నించడానికి భయపడేవాడి వాడి మౌనం చాలా ప్రమాదకరం. (Its from Akshara Satyam)

పిసిసి అధ్యక్షుడుగా గిడుగు రుద్రరాజు